Пра арганізацыю

Інфармацыйна-даследніцкая установа “Рэгіянальнае Бюро Развіцця” з’яўляецца некамерцыйнай арганізацыяй, створанай для здзяйснення інфармацыйна-даследніцкіх функцый некамерцыйнага характару і дзеючай у адпаведнасці з заканадаўствам Рэспублікі Беларусь.

Нашыя намаганні накіраваныя на паглыбленне ўзаемапаразумення паміж прадстаўнікамі трох сектароў беларускага грамадства праз прадастаўленне ім шырокага кола інфармацыйных, кансультацыйных і адукацыйных паслуг з мэтай стварэння і ўдасканалення ўмоваў для ўстойлівага развіцця рэгіёнаў і гарадоў Беларусі.

Кожны рэгіён — гэта тэрыторыя са сваім унікальным патэнцыялам для руху наперад. Наша дзейнасць скіраваная на выяўленне і падтрымку гэтага патэнцыялу. Рост становіцца устойлівым, калі рэгіён здольны стаць прывабным для інвестараў і турыстаў, стварыць магчымасці для вядзення бізнесу і адпачынку, бяспечнага і камфортнага жыцця, захаванню культурных традыцый.

Наша каманда

Супрацоўнікі арганізацыі — каманда кваліфікаваных экспертаў розных абласцей спецыялізацыі. У нас таксама напрацаваны ўстойлівыя кантакты з шырокай сеткай пазаштатных экспертаў, гатовых сумесна з намі якасна і хутка вырашаць пастаўленыя задачы.

Місія арганізацыі — падтрымка дэмакратычных пачынанняў, развіццё прафесійных кампетэнцый і стварэнне магчымасцяў рэалізовываць сябе для развіцця рэгіёну і краіны.

Місія ажыццяўляецца праз наступныя канкрэтныя дзеянні:

падтрымка і заахвочванне дзейнасці, якая скіраваная на эканамічнае развіццё і развіццё прадпрымальніцтва;
падтрымка дзейнасці, скіраванай на развіццё мясцовых супольнасцяў;
падтрымка сацыяльна-эканамічнага развіцця ў сельскай мясцовасці;
падтрымка нацыянальнай традыцыі, беларускай культуры, а таксама развіцця нацыянальнай, грамадзянскай і культурнай свядомасці.